Teachers Day Speech in Assamese Language | শিক্ষক দিৱসৰ ভাষণ অসমীয়া ভাষাত

শিক্ষক দিৱসৰ ভাষণ অসমীয়া ভাষাত - 

Teachers Day Speech in Assamese Language : ইয়াত আমি সহজ ভাষাত  ( অসমীয়া ভাষাত )  শিক্ষক দিৱসৰ ভাষণ আগবঢ়াইছো । চাওঁ আহক

নমস্কাৰ

শ্ৰদ্ধাৰ অধ্যক্ষ, শিক্ষক-শিক্ষয়িত্ৰী সকল আৰু মোৰ মৰমৰ বন্ধুসকললৈ শুভ প্ৰভাত । আমি সকলোৱে জানো যে আমি আজি ইয়াত শিক্ষক দিৱস উদযাপন উপলক্ষে  সমবেত হৈছোঁ ।

সমগ্ৰ দেশৰ ছাত্ৰ-ছাত্ৰী সকলে নিজৰ শিক্ষক সকলক শ্ৰদ্ধা জনাই এই দিৱস পালন কৰে । সঁচাকৈ কোৱা হৈছে যে শিক্ষকসকল আমাৰ সমাজৰ পিঠিৰ হাড়ৰ দৰে । "শিক্ষক হল এটা মমবাতিৰ নিচিনা যিয়ে নিজে গলি আনক পোহৰ দিয়ে" ছাত্ৰ-ছাত্ৰীৰ চৰিত্ৰ গঢ়ি তোলাত তেওঁলোকে এক বৃহৎ ভূমিকা পালন কৰে আৰু তেওঁলোকক ভাৰতৰ আদৰ্শ নাগৰিক হিচাপে গঢ়ি তোলে ছাত্ৰ-ছাত্ৰী সকলক ।

আমি ভাৰতত প্ৰতিবছৰে ৫ ছেপ্টেম্বৰত শিক্ষক দিৱস উদযাপন কৰোঁ । প্ৰথমতে আমি জানি লওঁ ৫ ছেপ্টেম্বৰ তাৰিখে কিয় শিক্ষক দিৱস হিচাপে পালন কৰা হয় ? 

৫ ছেপ্টেম্বৰ তাৰিখে ড° সৰ্বেপল্লী ৰাধাকৃষ্ণনৰ জন্ম জয়ন্তী উপলক্ষে তেখেতৰ জন্মদিনৰ স্মৃতিত শিক্ষক দিৱস উদযাপন কৰা হয় । দেশৰ ৰাষ্ট্ৰপতি ৰূপত এজন সফল নেতা হোৱাৰ সমান্তৰালভাৱে ড° সৰ্বেপল্লী ৰাধাকৃষ্ণন আছিল মহান পণ্ডিত আৰু এজন উৎকৃষ্ট শিক্ষক ।

ডাঃ সৰ্বেপল্লী ৰাধাকৃষ্ণনৰ জন্ম হৈছিল ১৮৮৮ চনত তামিলনাডুৰ তিৰুটনীত । তেওঁৰ শিক্ষাৰ আৰম্ভণি স্থানীয় এখন প্ৰাথমিক বিদ্যালয়ৰ পৰা হয় । আৰু তাৰ পিছত তিৰুপতিৰ লুথাৰিয়ান মিছন হাইস্কুল, ভেল্ল’ৰৰ ভ’ৰহিছ কলেজ, আৰু তাৰ পিছত, মাদ্ৰাজ খ্ৰীষ্টান কলেজত, তেওঁ অধ্যয়ন কৰিছিল ।

১৯০৯ চনত মাদ্ৰাজৰ প্ৰেচিডেন্সি কলেজত দৰ্শনৰ শিক্ষক হিচাপে নিযুক্তি লাভ কৰে । আৰু ১৯২১ চনত কলিকতা বিশ্ববিদ্যালয়ত অধ্যাপক হিচাপে নিযুক্তি লাভ কৰে । তেওঁ অন্ধ্ৰ বিশ্ববিদ্যালয় আৰু বানাৰস হিন্দু বিশ্ববিদ্যালয়ৰ উপাচাৰ্য আৰু অক্সফৰ্ড বিশ্ববিদ্যালয়ৰ অধ্যাপক হিচাপেও কাৰ্যনিৰ্বাহ কৰিছিল ।

১৯৪৯ চনৰ পৰা ১৯৫২ চনলৈ তেওঁ ছোভিয়েট ইউনিয়নত ভাৰতৰ ৰাষ্ট্ৰদূত হিচাপে কাৰ্যনিৰ্বাহ কৰিছিল । আকৌ ১৯৫২ চনত স্বাধীন ভাৰতৰ প্ৰথম উপ-ৰাষ্ট্ৰপতি আৰু ১৯৬২ চনত ভাৰতৰ দ্বিতীয় ৰাষ্ট্ৰপতি হিচাপে কাম কৰিছিল । ১৯৭৫ চনৰ এপ্ৰিল মাহত তেওঁ শেষ নিশ্বাস ত্যাগ কৰে ।

এইয়াই আছিল তেওঁৰ জীৱনৰ কিছু কথা

মোৰ ভাষণ সমাপ্ত কৰাৰ আগতে মই আৰু কিছু কথা কবলৈ উলাইছো ।

প্ৰথমে আমাৰ প্ৰতি থকা কঠোৰ পৰিশ্ৰম আৰু নিষ্ঠাৰ বাবে আমাৰ বিদ্যালয়ৰ সকলো শিক্ষক-শিক্ষয়িত্ৰীলৈ ধন্যবাদ জ্ঞাপন কৰিলোঁ ।

শিক্ষক সকল হৈছে এখন দেশৰ স্তম্ভ । তেওঁলোকে শিক্ষাৰ্থীৰ ভাগ্যক পথ প্ৰদৰ্শন আৰু গঢ় দিয়ে । তেওঁলোকে শিক্ষাৰ্থীক ভাল মানুহ হ’বলৈ শিকায় । এজন ছাত্ৰ-ছাত্ৰীৰ সফল কেৰিয়াৰৰ আঁৰৰ কাৰণ

শিক্ষক-শিক্ষয়িত্ৰী সকল ।

‘আমাৰ সন্মানীয় শিক্ষকসকল আপোনালোকে আমাৰ প্ৰতি কৰা সকলো কামৰ বাবে আমি আপোনালোকৰ প্ৰতি সদায় কৃতজ্ঞ’ হৈ থাকিম । আমি সদায় আমাৰ শিক্ষক সকলৰ নিৰ্দেশ মানি তেওঁলোকৰ পৰামৰ্শ মানি ভাৰতৰ যোগ্য নাগৰিক হ'বলৈ চেষ্টা কৰিম |

ইয়াকে কৈ মোৰ বক্তব্য সামৰণি মাৰিছো, সকলোকে পুনৰবাৰ ধন্যবাদ !!